政情：公民講場：動物權益拖住唔修例 棄養滿街 梁肇輝一身蟻

近年嚟發生多宗虐殺動物事件，雖則漁農自然護理署曾就修訂《防止殘酷對待動物條例》，考慮對嚴重嘅殘酷對待動物提高罰則等，拖咗年幾都未修例被鬧爆，而申訴專員公署尋日公布有關狗隻棄養同滋擾問題嘅調查結果，話狗主要按法例為狗隻領牌等，質疑漁護署對違法人士採取嘅執管行動係咪有效同足夠。動物權益做唔好，規管棄養狗主又欠佳，署長梁肇輝真係一身蟻，唔該佢加強執法行動，否則就係縱容違法。