早前有所放緩嘅疫情，近日有復熾嘅迹象。尋日政府決定再度恢復食肆每張枱限坐4人嘅規定。其實政府先前放寬食肆每張枱嘅人數限制，已經有專家指出一齊除口罩食飯嘅染疫風險，較戴口罩出街來得要高，然而禁止超過4人喺公共場所聚集，但進入食肆就容許6人飯敍，喺社區仍有隱形傳播鏈之下，食物及衞生局局長陳肇始推行不合邏輯嘅限制措施，疫情唔大反撲就勢係假喇！
