政情：公民講場：公屋上樓又等等 陳帆做嘢慢吞吞

公屋供應量嚴重短缺，最新嘅輪候公屋時間又再延長，平均要等5.6年。房委會就解釋話延長嘅原因係有兩個新屋邨未能如期編配。老實講，撇開呢個理由，實際上公屋供應遠遠追唔上需求，政府成日話冇地起屋話要填海，但其實仲有好多地未開發，運輸及房屋局局長陳帆就算靠起多啲過渡性房屋，都冚唔住上樓愈嚟愈遲嘅事實，依家距離3年上樓承諾愈嚟愈遠，唔該陳帆戙高床板諗吓點追落後。