政情：公民講場：暴疫夾擊恐釀殺校 楊潤雄扮唔知抵鬧

受到反修例暴力衝突同新冠肺炎嘅打擊下，令到社會嚴重撕裂，經濟陷入谷底，有校長仲話依家好多學校都出現退學潮，再加上跨境生未能來港上學，可能會重現97年嘅縮班潮。其實早喺開學前，有團體已提出警告，有可能會出現殺校，要求教育局關注。老實講，退學潮持續，學校就會出現收生不足嘅情況，因而要搶學生，搶唔夠隨時面臨殺校，無論對學生同教師都有好大嘅影響，局長楊潤雄唔好扮唔知喎。