政情：公民講場：沿用舊招冇作用 食環署滅鼠技窮

雖然食物環境衞生署不時進行治鼠工作，又將於下周一開始喺全港各區，展開第二輪嘅目標小區滅鼠行動，話到時除咗加強街道清潔，又會喺後巷、垃圾收集站、街市、小販同熟食市場及建築地盤嘅周邊地方，進行封鼠洞、放置毒餌及捕鼠器等治鼠措施。其實類似嘅治鼠行動，過去已經舉行過好多次，所耗公帑亦都唔少，惟行動過後鼠患不但未見改善，反而更加嚴重。有議員指舊有嘅治鼠方法成效不彰，就應該做好研究對症下藥。到底食環署署長劉利群，有冇檢討過現時嘅治鼠方法呢？繼續沿用過去嘅招數，未必有用o架！