立法會月中重開後，拉布畫面再度上演。為阻止決定續任嘅民主派議員拉布，主席梁君彥喺早前嘅會議中出手，根據《議事規則》限制議員重複言論，但惹嚟民主派質疑有雙重標準。民主派會議召集人胡志偉尋日同梁會面後，就批評梁不斷運用所謂嘅權力，不必要地限制泛民發言權利，以達到剪布嘅目的。而梁就反駁，強調自己對待所有議員係一視同仁，更反批有泛民公然表明拉布。查實作為主席的確要確保會議暢順進行，但亦要平衡唔同意見者嘅發言權利，呢點真係好考梁嘅政治智慧喇！
