政情：入中總近30載 袁武成最年長會長
香港中華總商會（中總）日前選出新一屆會長，由年屆七十九歲嘅現任副會長袁武當選，並將於下月正式履任，接替已連任兩屆嘅會長蔡冠深。袁加入中總近三十年，擔任多屆副會長，今次「坐正」，創下中總歷來最年長會長嘅紀錄。
從事航運工商業多年
袁於一九九一年開始服務中總，曾先後擔任常務會董及副會長等職務。袁過去係招商局集團副總裁，從事航運與工商業多年，推動本港嘅船務及貨運業發展，促進內地與香港嘅經貿聯繫。袁亦曾任第十一屆香港特別行政區全國人大代表召集人，並獲特區政府頒發金紫荊星章。
另外，中總同時選出八位副會長，包括連任嘅曾智明、王惠貞、李應生、楊華勇、胡曉明及陳仲尼，以及新當選嘅謝湧海及張學修。