中環出更：念念不忘 何啟明仲叫梁美芬同事

梁美芬指長者為香港作出無數貢獻，形容乘車優惠只屬小小心意，認為所牽涉嘅額外開支並唔係重點。對於政府擔心造成濫用優惠嘅情況，梁指若出現濫用情況應怪責執行部門，要求政府公務員及有關部門「諗多少少」。

放寬乘車優惠未有時間表

勞工及福利局副局長何啟明接收請願信時回應，整體研究工作局方並無打算停止，其中提到「啱啱各位同事講嘅意見，包括以個人八達通證明長者身份，防止濫用優惠嘅情況，研究都係做緊嘅」究竟何啟明係仲未適應新身份，定係對一班舊同事念念不忘呢？

政府尋日都回應指有關研究工作仍在進行，否認曾計劃延遲或擱置措施。政府指措施牽涉複雜情況，包括財政方面及防止濫用優惠嘅漏洞，政府需作全面檢討及研究，目前較難敲定時間表喎。

卓妮