政情：聖公會大主教鄺保羅將退休 陳謳明接任

香港聖公會表示，陳謳明獲選舉團三院各超過半數贊成票，成功當選下任大主教。按照香港聖公會《教省規例》規定，大主教候選人必須喺選舉團內嘅主教院、聖品院同平信徒院分別得票最多，並獲選舉團三院各超過半數贊成票嘅候選人，即當選為大主教。

《教省憲章》亦規定，大主教「任職並履行與大主教席位有關的職務及責任，直至他年屆七十歲（退休年齡）該年之年終」；另外「退休之大主教應一直留任大主教之職，直至候任大主教圓滿就職為止。」所以鄺保羅將會喺今年底屆齡退休。

現年五十八歲嘅陳謳明已婚並育有一子。佢喺一九九二年九月二十九日受按立為牧師，二○○六年十一月獲派立為法政牧師，直至二○一一年六月當選西九龍教區第二教區主教；二○一二年陞座就任西九龍教區主教。