商務及經濟發展局局長邱騰華尋日話同新加坡達成雙邊「旅遊氣泡」協議，但旅遊界話唔算係好大驚喜，亦都冇潑冷水，事關有好過冇，最好就係快啲有健康碼，大家都明喇！之但係，依家香港嘅疫情仲未受控，仲有源頭不明嘅染疫個案，有傳染病專家都講到好白，話若果疫情反彈，不利達成協議。所以邱騰華唔好開心得太早，若果政府控制唔到疫情，爆發第四波，隨時氣泡都泡湯呀！
