政府早前推出智慧燈柱，但有市民擔心燈柱有人臉識別功能而反對，其後部分燈柱更喺反修例示威中被暴力示威者打爆同鋸斷。創新及科技局局長薛永恒唔知係咪驚咗，所以「跪低」唔再推智慧燈柱，反而打算安裝智能交通燈，話要改善交通網絡不足嘅問題喎。其實政府要推動智慧城市都已經係追落後，依家先開始研究智能交通燈，唔知幾時先用到呢？
