香港打工仔嘅部分收入需要供強積金，而積金局主席黃友嘉尋日就指，即將踏入廿周年嘅強積金制度不但覆蓋度極高，累積至今嘅款項，當中淨投資回報高達三千二百億元，計落不但跑贏通脹，更足證當年推行強積金制度係正確咁話。不過有議員就批評，唔少上班族因社會運動同疫情來襲，處於水深火熱嘅田地，打工仔即使有迫切需要，都無法提早取回部分供款。唔能夠用嚟應付燃眉之急，咁就算強積金回報更高都冇用啦！
