土地係香港嘅珍貴資源，任何人未經許可都不得佔用政府土地。不過喺西貢大環村，近日有人涉嫌私自進行村路擴闊工程，令剷泥車得以通往一個村屋地盤，加上有大量建築廢料疑被非法棄置，然而相關政府部門至今仍未採取具體執法行動。地政總署署長黎志華、規劃署署長李啟榮同環保署署長鄭美施唔好再「隻眼開，隻眼閉」喇，對待違規工程嘅處理手法咁消極，等如縱容他人非法霸佔官地，因住有人去申訴專員投訴，指控你哋行政失當呀！
