擁有城中最多出租物業嘅香港房屋委員會，尋日話會成立專責小組並斥資過億港元，喺未來三年更換轄下機齡十年以上嘅升降機。房委會今次有咁嘅決定，原來早前申訴專員公署有指，本港約八成升降機並無配備最新安全裝置，而目前房委會轄下近六千部升降機當中，竟然有近三分之二並冇安裝最新嘅安全裝置！其實升降機一旦出事故，後果可大可少，輕則影響居民出入，重則造成人命傷亡。運輸及房屋局局長陳帆真係要正視升降機安全，正所謂「意外一單都嫌多」呀！
