有教育團體直指幼稚園同中、小學都出現退學潮，由於跨境學生因疫情無法到港上學，退學潮會加劇，要求政府紓緩學校嘅收生壓力同支援跨境學生網上學習。話時話，學校收生減少嘅問題，教育局局長楊潤雄竟然翹埋雙手唔做嘢，尤其早前有組織要求當局協助基層學童提供上網學習嘅設備，楊潤雄都將個波推咗畀關愛基金，仲話要幫跨境學童喎，唔知佢會唔會再Ａ字膊卸畀其他部門？
