疫情之下百業蕭條，多輪救市同防疫措施已經耗用大量公帑，政府預告財政預算赤字將會擴大至逾三千億，轉頭就話要硬推工程費用猶如天文數字嘅明日大嶼！香港土地供應不足都唔係第一日嘅事，雖然搵地起樓好重要，不過興建人工島真係造福港人嘅選項咩？本報早前就土地短缺嘅問題提出多項建議，但政府一於少理，亦無視殺到埋身財政壓力。尋日有環保團體估計，明日大嶼計劃一旦落實，就會喺十一年內耗盡現有儲備，依家連數都計埋，到底發展局局長黃偉綸會臨陣縮沙，定係繼續倒錢落海呢？
