美國四仔界有唔少姊妹檔，好似嚟自波蘭嘅Natalia Starr，家姐就係天后級脫星Natasha Starr，不過因為咁反而令佢感到好大壓力，所以每次演出都會更加努力，希望有朝一日能夠超越家姐。
喺波蘭出生嘅Natalia Starr，7歲時跟隨家人移居美國，並喺紐約布魯克林區定居。當地嘅居民嚟自世界各地，而佢就同其中一位嚟自西班牙嘅女仔最老友。眨吓眼，Natalia Starr今年已經27歲，至於佢點解會投身脫星界，係因為受到家姐嘅影響。話說2011年時佢眼見家姐Natalia Starr加入四仔界之後，發展得相當順利，而且吸金力強勁，好快就躋身天后級位置，於是佢就開始計劃入行。
佢先移居到洛杉磯，然後喺一間成人俱樂部表演，以吸取演出經驗，憑住迷人嘅樣貌及玲瓏浮凸嘅身材而大受歡迎，同時吸引到成人模特兒公司嘅注目，結果佢當上咗裸模，更獲公司推薦參加選美比賽，最後成功奪得冠軍，令人氣爆升，之後佢就開設網站作個人表演大力吸金，亦因此吸引到四仔片廠嘅留意，就係咁，2012年8月佢正式成為四仔脫星。
佢嘅處女作就係由四仔片廠FM Concepts推出嘅《Bondage Solution》，可能大家覺得奇怪，點解作為新人會演出拘束呢類愉虐作品呢？原來當日佢喺俱樂部表演嘅正係呢類演出，故此拍拘束戲絕對係開正佢嗰瓣，加上好少新人會演出呢類重口味題材，結果成功打響名堂。有見及此，FM Concepts便同佢簽約，一連搵佢演出5套作品，更喺2013年舉行嘅AVN頒獎禮獲提名「最佳新進火辣脫星」。之後，佢又為四仔名廠Brazzers、Naughty America、Elegant Angel、Digital Playground等演出，可謂氣勢如虹。
至於出道以嚟印象最深刻嘅演出，佢坦言係與家姐同場演出，因為家姐貴為天后級脫星，好多嘢都及唔上對方，所以感到好大壓力。不過隨住佢喺各個四仔頒獎禮上不斷攞獎，其實已屬一線脫星嚟喇！
有人話Natalia Starr個樣索過佢家姐，老實講真係見仁見智，只知道佢嘅社交網一定多嘢睇過家姐，事關佢不但經常派福利，仲好親民咁同粉絲交流，更會分享拍攝四仔現場花絮，難怪粉絲咁冧佢啦！
網址：https://twitter.com/nataliaxstarr
出生日期：1993年3月22日
身高：176cm
三圍：34D-26-34
撰文：魂