政情：秘書處拒提供服務 灣仔區會提醒：或須負法律責任

促上載會議紀錄至網站

話說南區區議會主席羅健熙前日提出司法覆核，質疑當區秘書處喺某次會議上拒絕提供秘書服務，做法違反《區議會條例》。雖然法庭仲未就案件作出裁決，但喺今日嘅灣仔區議會上，楊雪盈就提醒該區秘書處，若果唔將經修訂嘅會議紀錄上載到區議會網頁，有可能要承擔法律責任。

面對楊以「善意提醒」嘅變相施壓，陳天柱不為所動，重申若討論內容不符區議會職能，秘書處係唔會提供秘書服務，包括唔會為會議進行錄音，亦唔會提供相關嘅會議紀錄；仲話即使有區議員自己寫番啲類似嘅紀錄出嚟，秘書處都唔會承認，亦都唔會將佢上載到網絡。