政情：公民講場：免預約 再延期 全民檢測谷極唔起

儘管一再延期，後來又免除網上預約，但參與全民檢測嘅人數依然偏低。而有份參與嘅市民，做完檢測除咗知道自己有冇中招之外，可謂一無所得。若果政府可利用今次機會，容許檢測結果呈陰性嘅市民以健康碼往來澳門同內地，參與人數應該會踴躍好多。依家計劃快將踏入尾聲，接受採樣嘅市民只約佔全港人口嘅五分之一，而早前有專家話要搵出隱形傳播者，全民檢測起碼要有三分之二人口參與先至得！距離目標咁遠，難怪負責計劃嘅公務員事務局局長聶德權，叫市民唔好再討論值唔值得啦。