所謂水滿則溢，做任何事都唔可以太過火，好似食飯咁，成日都食到撐住個胃，久而久之就好容易會出現各種病痛。又好似寫真女優嘅胸部同臀部咁，唔係話大就等於好睇，最緊要勻稱有線條美，鶴卷星奈就係最佳人辦啦！
日本寫真女優可以分為不同類別，除咗以身材嚟分，亦可以氣質嚟歸類，好似今野杏南、原幹惠咁斯文端莊就歸類為正統派，而青山光、和地司咁可愛，則被稱為小動物系，至於鶴卷星奈就屬於妖精系喇！
今年21歲嘅鶴卷星奈，青春可愛，五官標致，係一位相當得人鍾意嘅美少女。不過，細看之下會發覺佢上排牙齒比較突出，好彩阿妹好識得隱藏呢個缺點，笑時唔會露出牙肉，加上唇紅齒白，笑起上嚟甜美似蜜糖。而近期佢喺演出上開始進行蛻變，由少女萌味形象，漸漸走向妖艷成熟路線，經常流露出一副慾求不滿嘅表情，性感又誘人。
除咗賣弄妖艷風情，當然亦要展露一下身材，雖然星奈嘅上圍報稱有C Cup，但係睇落都真係唔夠斤両，而佢亦自己知自己事，因此主力行「股」惑，皆因生得大之餘仲又彈又挺，而且曲線圓潤，所以喺近期嘅寫真作品中都特別專注賣弄美股，更加贏得寫真界讚揚為「藝術之美尻」，意思即係話阿妹個躉好似藝術品咁靚，值得欣賞！星奈表示未來會出多啲出「股」惑嚟吸引觀眾嘅眼球，並且會進行一連串收身計劃，令美尻保持堅挺美觀。
除咗拍寫真之外，星奈仲有好多工作，唔單止拍戲，仲會參演舞台劇，近期嘅作品就包括有《Peace of Clan ~七星のシンフォニア~》，粉絲們梗支持啦！
鶴卷星奈喺社交網中會頻密地上載自拍性感照，大家想多欣賞佢靚到好似藝術品咁嘅美股，就唔好猶豫，快啲Click入去睇喇！
網址：https://twitter.com/1018seina?lang=ja
年齡：21歲
身高：5呎4吋
三圍：32C-23-34
撰文：賢