政情：指泛民初選涉舞弊 團體到選管會廉署投訴戴耀廷

斥圖控制立會阻撓施政

團體「離島社會事務連線」一行四人到選管會，發言人周元谷指戴耀廷策劃嘅民主派初選協調機制，表面係甄選民主派候選人，實質為偷步選舉協調，以達致取得立法會控制權，阻撓政府施政為目的。

周又指戴曾經公開表示，任何參選團隊唔遵守初選結果必然遭受各方責難，有關人士要自行承擔後果，此舉已涉違反《選舉（舞弊及非法行為）條例》。條例亦有列明，喺提名期結束前，曾公開宣布有意參選嘅人士可定義為候選人，除候選人或其選舉支出嘅代理人外，其他人喺選舉過程中所產生嘅選舉開支都係違法，指戴耀廷、區諾軒及趙家賢等人，從未提及獲得全數參選初選人嘅委任或授權做代理人，令人質疑初選開支是否合法、會否如期如實申報。