政情：涉眾籌支援違法組織 公民黨黃文萱遭舉報
近年有唔少團體都會發起眾籌，有部分會用作營運組織，亦有部分係用嚟做支援，有時政黨人物亦會幫吓手宣傳。近日有區議員喺Facebook上發起眾籌，為幾個組織籌款，當中為喺反修例活動中受傷、被捕提供支援嘅「星火同盟」同埋「六一二人道支援基金」。有團體就質疑佢嘅做法涉違反公職人員行為失當，去咗廉政公署報案。
誤導公眾為區議會活動
團體「愛國護港101」兩名成員，尋日就事件報案，指公民黨沙田區議員黃文萱喺Facebook上發起眾籌，其中兩個組織就係「星火同盟」同埋「六一二人道支援基金」。該團體提到，呢兩個組織違反《港區國安法》，質疑黃文萱嘅做法係涉嫌公開呼籲市民支援及參與暴力示威同埋協助違反《港區國安法》的組織募捐。
另外，該團體仲話，黃文萱喺未得區議會同意下，擅自使用區議會徽號，批評佢誤導公眾有關眾籌呼籲為區議會活動，認為佢絕對不能以其區議員身份謀取私利或優待任何組織，質疑涉嫌違反公職人員行為失當罪，所以去廉政公署請願同埋報案，要求嚴肅處理。