政府近日展開全民檢測計劃，但有市民發現喺檢測中心用過嘅手套同採樣棉花棒等送到垃圾站處理，擔心會傳播病毒。負責檢測計劃嘅公務員事務局局長聶德權被轟「醫療廢物」當「家居廢物」處理。話時話，新冠肺炎傳播率咁高，醫護人員用過嘅檢測物品都應該加陪小心處理，否則要切斷病源，反而變咗散播病毒，簡直本末倒置，聶德權呢次明顯有疏忽，與其喺度爭拗，倒不如快啲堵塞漏洞罷喇！
