繼五月份第一次發放銅芯口罩，下個月政府打算第二次派發以應付秋冬可能出現嘅疫情。不過議員陳克勤就指上一次並非所有市民都申領銅芯口罩，依家喺街上都唔多見市民採用，加上目前市面嘅口罩供應亦較充裕，可見市民對銅芯口罩嘅需求未必好似以前咁大，政府應再次開放申請或者提供拒收嘅辦法，以便銅芯口罩只派發畀有需要嘅人士，避免造成浪費，消耗人力同公帑。總之用得晒，先至好派，唔好做大嘥鬼啊！
