中環出更：夜逛灣仔購電子遊戲買外賣 曾國衞撐經濟察民情
新冠肺炎疫情持續，雖然食肆仲未開放晚市堂食，但政制及內地事務局局長曾國衞都有外出消費，支持本港經濟市道，順便體察民情。尋晚曾國衞現身灣仔一個商場，獨自佇足喺一間專賣遊戲機同相關產品嘅舖頭，之後就買咗四隻近期熱門嘅電子遊戲，當中包括三隻同運動相關嘅遊戲，有一隻更加係卡通版嘅日本奧運會添！
買回家與妻撐枱腳
曾國衞買完電子遊戲撐經濟市道後，就化身為「愛妻號」，到食肆購買外賣返屋企同太太撐枱腳。政府推出禁晚市堂食措施已經超過一個月，唔少食肆都大呻生意大受影響，市民除咗可以選擇留喺屋企炮製住家飯外，其實買外賣返屋企食都係一種選擇，仲可以順便支持吓本港飲食行業添！
卓妮