政情：公民講場：派濾芯慢吞吞 薛永恒捱轟

因應新冠肺炎，政府早幾個月前向市民派發可重用銅芯口罩，已被批評質素差。當時創新及科技局局長薛永恒亦預告會派濾芯，但講過冇咗件事，有議員早前就話濾芯到期，批評政府仲唔派。可能知衰，薛永恒尋日話政府喺下月初再派銅芯口罩，仲話依家口罩供應穩定，坦言銅芯口罩未必會受市民歡迎。派慢咗唔在講，若果冇人公開追數，薛永恒係咪想走數？又係唔踢唔郁，政府死性不改。