政情：黃之鋒稱被跟蹤 山頂放狗遭辱罵

連累同行朋友

黃之鋒話，同朋友喺灣仔區揸車上山途中，發現有一架七人車尾隨佢哋，但由於當時嘅路段係單程路，路面又相當狹窄，估計情況應無大礙。誰知甫抵達山頂，已經有一位中年婦人拍攝泊車情況，當佢落車之後仲有多五個人跟蹤，仲要一邊行一邊影。

黃之鋒稱，喺被跟蹤時有不停問對方係咪記者，對方否認之餘，更反問黃係咪想打佢哋添。黃之鋒認為，瘋狂跟蹤屬小事，過往喺記者會同埋街站被跟蹤都只係拍攝同埋觀察，話已經見怪不怪，依家去到公園放狗都被跟蹤，佢就形容係瘋狂滋擾，心情實在不爽，仲覺得自己連累同行朋友，感到抱歉同煩惱。