疫情未受控，政府尋日宣布延長一系列禁令多一個禮拜。身兼行政會議成員嘅飲食界議員張宇人喺社交平台話對相關決定感到失望，又呻話專家未有實質數據證明晚市禁堂食可減低幾多風險，反而淨係識得向飲食業開刀。其實港大感染及傳染病中心總監何栢良尋日朝早已經話，飲食界嘅相關個案喺相關措施生效嘅一個潛伏期後已減少、甚至消失，證明有效。唔知張宇人係唔記得咗，定冇為意呢？
