政情：房會職務任滿 黃遠輝去耕田

做咗八年 超公職上限

有「公職王」之稱嘅Stanley，話依家多咗時間享受生活，佢話平時好鍾意做運動同去旅行，但依家受到新冠肺炎疫情影響，都唔知幾時先可以再做番呢兩個活動。但係唔講唔知，原來佢有超過廿年耕田經驗，每逢假日會去耕田，客串做吓「周末農夫」，種吓有機蔬果過吓日辰，仲可以享用番成果同呼吸新鮮空氣，可謂一舉兩得！

仲記得佢早前最後一次主持小組委員會會議後，坦言唔願意喺呢個情況下離開，但政府公職有六年上限，自己已經做咗八年，惟有將相關工作交託畀小組其他成員，當時佢仲話向市民講「對唔住」，因為公屋平均輪候時間喺佢任內長咗一倍。