律政司高層近日出現大地震！事關刑事檢控專員梁卓然同司長鄭若驊意見不和，日前向鄭提出呈辭，年底就會離開。被嘲為「避政司司長」嘅鄭若驊上任以嚟，唔單止乜嘢都做唔好，就連同下屬相處都似乎唔係好識喎，搞到檢控專員頂唔順要跳船，其實諗深一層，要梁卓然放棄逾廿七萬元月薪，做咗廿五年嘅刑事檢控科，不顧一切劈炮唔撈，可以想像鄭若驊有幾咁難頂喇！
