政情：冠絕問責官 張建宗續做樓王

鄭若驊雲南北京都有物業

至於緊隨張建宗嘅，係律政司司長鄭若驊同埋聶德權，兩人分別都申報咗八個物業。鄭若驊喺內地雲南同北京都有單位，喺香港就有六個，其中兩個屬丈夫名下嘅物業。聶德權就申報咗喺香港都擁有四個物業，內地中山有兩個物業，杭州一個物業，英國都仲有一個物業。

講起外國物業，食物及衞生局局長陳肇始、公務員事務局局長聶德權同商務及經濟發展局局長邱騰華就持有英國物業，而環境局局長黃錦星嘅妻子同民政事務局局長徐英偉本人就持有加拿大物業，財經事務及庫務局局長許正宇嘅囝囝就有澳洲物業。