中環出更：行會非官守成員 四人擁外國物業

李國章港持逾30物業排榜首

根據政府資料，有四名行會非官守成員持有外國物業，其中陳智思持有一個美國物業同一個泰國物業、史美倫持有一個美國物業同一個日本物業、周松崗持有一個英國物業、李國章持有兩個英國物業。除此之外，李同佢嘅家人喺香港仲持有三十二個物業、十七個車位同一間酒店。

大地主劉業強 坐擁443幅土地

睇番行政會議成員個人利益登記冊，其實非官守成員仲有個「大地主」。身兼行政會議成員嘅立法會議員劉業強雖然喺本月八日減持兩幅土地，但仍然喺香港持有四百四十三幅土地，淨係屯門區佢就持有三百六十二幅土地。而劉持有嘅物業都唔少，佢申報咗七幢住宅物業同兩個住宅物業，商舖同商業物業都有八個，仲有兩幅位於內地嘅工廠用地添！

卓妮