探射燈：香港出行易手機程式 冇實時空置泊位資訊
本港運輸署兩年多前製作「香港出行易」（HKeMobility） ，整合該署故有的「香港乘車易」、「香港行車易」和「交通快訊」手機應用程式，當時署方指會增加本港停車場及咪錶泊位的實時資訊，惟時至今天，相關資訊於程式內仍然未算普及。有專家批評政府未有與時並進，加強相關應用程式的實用性，變相浪費公帑。
運房局推諉冇裝相關系統
對於應用程式內大部分停車位只能提供位置而未有實時空置泊車位資訊，運輸及房屋局局長陳帆去年回覆質詢時指情況受制於不同因素，包括部分停車場未裝有實時空置泊車位資訊系統，以及現有非政府停車場的土地契約內未有要求停車場營辦商開放實時泊車位資訊的相關要求。
「政府講嘅理由根本唔成立，私人停車場其實都係打開門做生意，佢哋當然想畀駕駛人士知道仲有冇位，咁先做到客如輪轉，而且好多停車場其實門口都有實時顯示仲有幾多位，差嘅只係發放畀公眾知啫，如果政府肯做對方又點會唔肯呢？」香港汽車會會長李耀培建議，政府應盡快與不同私人停車場合作，莫再以藉口推諉。