疫情導致社交活動大減，好多政府機構同私人企業亦都實施居家工作，於是有巴士公司繼日前縮減夜間班次，又再向運輸署申請進一步削班。雖然巴士公司嘅理由都算充分，不過仍然有為數眾多嘅受薪族，需依靠公共交通外出當值，因此就算巴士削班，運輸及房屋局局長陳帆都要確保喺繁忙時段，有足夠巴士疏導上落班嘅人流，否則巴士站企滿候車人龍，而巴士車廂裏面嘅乘客又逼到好似沙甸魚咁，好容易會出現集體感染o架！
