政情：公民講場：開會出席率不足一半 撥款畀足總盞嘥氣

為咗振興本地足球，政府撥款予足球總會發展香港足球嘅金額可謂數以千萬，然而整體成績令人失望。立法會政府帳目委員會尋日發表報告，指對足總嘅運作問題感到震驚，譬如過去幾年，若干足總董事局、事務委員會及工作小組委員會於相關會議嘅出席率竟少於一半，其舉辦嘅賽事平均入場人數又拾級而下。足總咁嘅表現，本地球迷點會唔失望呀！足總主席貝鈞奇真係要聽取帳委會嘅意見，檢討足總現行管治模式、維持高水平企業管治同制訂清晰嘅作業指引。若果足總不思進取，咁就唔好怪球迷拆招牌啦。