政情：葵青區會狂縮議程 會議半日開完

疫情影響 有區會曾搞「山寨會議」

今年一月底，本港爆發第一波新冠肺炎疫情，政府喺二月初宣布暫停所有諮詢及法定組織嘅會議，當中包括區議會會議。有個別區份打算按原定會議日期如常開會，但不獲當區民政事務處提供場地同秘書服務，搞到要喺會議室外大搞「山寨會議」。

之但係，政府今次冇因應新一波疫情推出類似嘅措施，各區區議會會議可以照常進行。不過，葵青區議會喺前日開會前，就決定唔會喺會上討論一啲相對次要嘅議案，包括警方派代表到會上交代葵青區嘅犯罪情況等，都需要押後到下一次會議先會處理，最終原定上、下午合共兩節嘅會議，喺中午時分就可以休會喇！