政情：醫學會改選 現任會長何仲平團隊全敗

香港醫學會前晚召開年度會員大會，公布早前舉行嘅換屆選舉結果，現任會長何仲平競逐連任失敗，僅獲一千九百四十一票，比對手少一千二百三十四票；而由佢領軍嘅競選團隊成員亦全數落敗，包括現任副會長林哲玄、現任會董陳念德等同樣競逐連任失敗。而由曾任四屆醫學會會長嘅蔡堅所率領嘅十二人名單則全數獲勝，當中蔡將會重掌會長一職。