政情：疫情驚人 衝口而出 張竹君：死啦…好多…

新冠肺炎疫情持續爆發，尋日確診人數相當高，有二十八宗確診，以及三十三宗初步確診。而喺確診個案裏面，本地感染佔咗十六宗，當中接近一半屬源頭不明。衞生防護中心傳染病處主任張竹君（圖）雖然都「見慣風浪」，不過喺尋日召開記者會，都不得不承認現時疫情為爆發以來最嚴峻，當佢翻閱資料公布個案時，可能畀一堆驚人數字嚇親，一時衝口而出「死啦……好多……」，睇嚟個案之多，就連佢自己都難以接受。