話咁快2020年就過咗大半年，喺呢段日子因受到疫情影響，相信大家嘅心情都比較差，寄望下半年會愈來愈好，所以今日就特別介紹一位青春無敵又充滿陽光味嘅美少女，為大家帶來新希望，佢就係染野有來喇！
喺日本AV界有「人類最強Body」沖田杏梨，而寫真界亦有「最強Body」染谷有香，佢身材高挑，上圍豐滿，整副胴體可以話絕無僅有，絕對孭得起呢個稱號。經過一段日子休息後，有香近期再度活躍拍寫真，與此同時，寫真界亦多咗一位名字又係「染」字頭，同時又被稱為擁有「最強Body」嘅新人登場，佢就係染野有來。
今年5月剛滿20歲嘅佢，充滿青春少女嘅陽光氣息，笑起上嚟甜美可人，予人一份窩心暖意嘅感覺，仲有佢肌膚好到不得了，鮮嫩滑溜且白裏透紅，而最吸睛嘅係纖巧嘅胴體上，有一對天然飽滿E奶，獲封「最強Body」之名，當之無愧。
染野有來喺2014年參加「第3回JUNON農產品少女大獎」，獲得冠軍之後投身模特兒界，並且發展順利，2017年更參演唔少電視劇同電影，包括知名大河劇《女城主直虎》等。而佢演出嘅角色都係有名有姓，唔係路人甲乙丙，不過最想梗係做主角啦！最近有來終於如願以償，喺正處於眾籌階段嘅電影《春天來了》擔任女主角，睇嚟佢真係上位得幾快！
而有來喺今年先初次拍攝水着寫真，除咗贏得「最強Body美少女」稱號，亦被稱為「色白美少女」，仲獲得出版商邀請佢飛到關島取景拍攝，足見有來備受重視，成為寫真界新寵兒。
染野有來除咗會喺社交網同大家分享自拍照，亦會透露最新嘅工作動態，想了解有來多啲就要Click上去睇睇喇！
網址：https://twitter.com/yura_someno?lang=ja
年齡：20歲
身高：5呎2吋
三圍：33E-23-33
撰文：賢