中環出更：費事嘥氣教精啲想走嘅人 麥美娟：未跌過唔知痛
舊年六月發生嘅社會事件到依家都未平息，同時英國宣布向英國國民（海外）護照（BNO）持有人提供入籍途徑，令社會更熱烈討論移民安排，議員麥美娟就話移民唔係大家想像中咁美好，但唔會嘥氣教精啲想走嘅人喇。
「不滿香港就快啲移民」
唔少市民樂見英國提供嘅BNO入籍權利，但坊間有人不停提醒大家移民要諗清諗楚，去到外地未必搵到工等等。麥美娟反其道而行，喺社交網站開直播嗰陣講到嬲嬲哋，話唔好嘥氣教精啲人，啲人當啲提醒係老點，就係唔跌過唔知道痛，每個人都要經歷過先知錯。
麥美娟話既然大家咁唔滿意香港，留喺香港咁難為大家，同時又咁鍾意英國BNO安排就一於快啲移民喇，由得呢啲人喺外國尋找所謂嘅民主同自由咁話。
卓妮