政情：公民講場：體會霸泳線冇王管 康文署分配欠公道

公眾泳池本來係屬於巿民共享嘅設施。不過申訴署調查發現，康文署推出嘅「中央分配泳線計劃」，原意係劃出團體專用嘅區域，以推動本港游泳運動，與提供持續穩定嘅訓練環境。然而該計劃多年來欠缺監管，令到某啲體育總會或泳會可藉機制壟斷大量公眾泳線資源，對於其他泳客而言實在唔公平。康文署署長劉明光若果攞唔出解決方案，市民到公眾泳池游水隨時逼到一肚火呀。