受到疫情嘅影響，市民更注意衞生同家居清潔，咁可能會用多咗水，但點用都唔會用多幾倍啩？有議員收到市民反映，見到水費單嚇一跳，事關水費較上一期大幅上升，原來水務署喺疫情嚴重期間冇上門抄錶，只係估算用水量收費，有可能出現低估，而最新恢復抄錶後，將兩期嘅讀數合併計算，令唔少住戶今期水費大幅上升。其實靠估實有偏差，點解署長黃仲良唔早啲同公眾講，係咪唔想畀人知佢哋靠估呢？依家咪估出禍囉！
