政情：「清潔香港 公廁革命」 林卓廷淆底 改口號捱轟
港區國安法實行之後，政府發言人隨後亦都表明「光時」係有港獨意味，搞到唔少人都淆底，議員林卓廷就係其中一個。佢為免畀人抽秤，喺Facebook將呢幾個字寫成「清潔香港，公廁革命」，點知就畀人寸返轉頭，話佢侮辱咗原本嘅口號，有人更拆穿，指佢淆底，叫佢出少句聲。
網民建議叫佢林公廁
林卓廷惟恐觸犯國安法，將民主派採用嘅抗爭口號改咗，變成「清潔香港，公廁革命」，仲話建議做食環口號。結果貼文一出，引起網民熱烈討論，除咗話佢淆底之外，亦有唔少人鬧爆佢，叫佢用吓腦先寫野，仲話完全唔知林嘅思維係點，亦無從判斷其幽默感咁話，但就建議大家下次見到佢，叫佢林公廁喎。