國安法震懾暴亂 商戶終見到明天

港版國安法立法在即,據了解明天會表決,很大機會通過。消息透露,草案列明分裂及顛覆國家政權罪行最高可判終身監禁。嘩!唔怪之得話「阿婆走得快,必定有古怪」喇!連啲搞「香港獨立」嘅暴民,都紛紛棄保潛逃,活脫脫上演「叫人衝,自己鬆」嘅狗熊鬧劇!可見港版國安法真係極速止到咳!

呢嗱!尋日啲死心不息嘅網民,趕喺港版國安法通過前,發起「靜默遊行」,睇嚟連胡適嘅「寧鳴而死,不默而生」都唔buy咯!面對國安法呢把達摩克利斯之劍已高高懸起,叛國禍港嘅洋奴漢奸固然驚到屁滾尿流,語無倫次,惶惶不可終日!啲暴民都由先前嘅熱血勇武,變咗靜靜雞,認低威,五大訴求,心中默流!大家可以想像,港版國安法一通過,睇怕連「靜默遊行」都變「潛水」喇!兄弟爬山,夢中見!

各位街坊,去年六月反修例以來,烈火暴行無日無之,蒙面黑衣人打砸搶燒,四處堵路、縱火,尤其針對佢哋睇唔順眼嘅中資商戶或所謂「藍色」商戶,落咗閘都冇用,一樣暴力撬之、推倒貨架、縱火焚燒,也不理會商舖上面有住戶,是否有老幼殘弱,如此草菅人命,暴行令人髮指!

至於操去大型商場搗亂,如沙田新城市廣場、大埔超級城、又一城商場等,其中又一城兩度被焚,中庭約四層樓高嘅聖誕樹被縱火焚燒,火勢猛烈濃煙熏黑商場天花板,商場圍欄玻璃盡被擊碎,又一城要關閉兩個月維修,冇搞出人命算好好彩!

嗱!數字會說話;自上年六月黑暴以來,整個香港滿目瘡痍,猶如戰亂!阿哥,絕對冇作大,期間有逾五十二公里欄杆及二點一八萬平方米路磚被拆走或破壞;全港累積嘅交通燈總破壞次數約為一千五百九十次。據業界估計,單計修復黑暴破壞嘅維修費及應對額外開支,至少需要二十一億元。

喂!香港呢個「好客之都」變成「恐怖之城」!喺咁惡劣環境下,仲可以營商嗎?睇吓啲國際名店走吓一間、執吓兩間,成個銅鑼灣、尖沙咀旺區,吉舖多到一步一驚心,功夫茶都真係要學詩人咁,以拳頭擂着大地噙着淚問:這裏是我們熟悉的香港嗎?

黑暴期間,零售、餐飲和酒店業造成嘅經濟損失,估計高達一百五十億元,香港都真係「黃台之瓜,何堪再摘」?嗱!港版國安法一通過落實,必震懾反中亂港嘅一眾洋奴漢奸,示威遊行肯定大減,「勾結」外部勢力死路一條!暴民若再玩嘢搗亂只會粉身碎骨而唔再係逢凶化吉,止暴制亂可期,營商環境再現曙光,商人看得到明天,先至放心再投資吖嘛!