政情：公民講場：冇遊客 大舖都執 邱騰華要諗計救急

受到反修例嘅衝突同疫情嘅雙重打擊，重創本港嘅經濟，依家唔止細舖執笠，就連啲名牌都要撤走，大型店舖都結業。點解？咪就係冇客囉！依家吹晒風話政府會推出粵港健康碼，但只限於商界同有需要人士，暫時旅客免問，而外國對「旅遊氣泡」亦好有戒心，擔心會輸入疫情。咁點挽救經濟呀？商務及經濟發展局局長邱騰華唔好等運到，快啲諗計吸客，否則政府推幾多輪保就業計劃都唔掂。