政情：有相為證：開會合照見側面 何啟明閉門見黨友
工聯會前議員何啟明喺本月初被委任為勞工及福利局副局長，佢嘅上司、勞福局局長羅致光都講何啟明要時間掌握政策範疇，可能要等下屆會期先回應議員質詢。雖則係咁，但係佢就竟然見工聯會黨友喎。
話說工聯會日前約見羅致光，喺閉門會面中討論長者福利同埋失業支援。議員麥美娟喺社交平台發布咗幾張會面嘅相，羅致光接收請願信嘅相片入面完全唔見何啟明蹤影，淨係得一張大家坐埋一齊開會嘅相見到何啟明嘅側面咋！麥美娟之後解釋，工聯會喺何啟明上任副局長後已經有同佢開過會，今次並唔係第一次。