政情:中間派難做 兩邊唔討好 陳沛然嘆頭髮都白埋

今屆立法會會期仲有唔夠一個月就會結束,最近唔少議員都就住過去四年工作撰寫報告,醫學界議員陳沛然(Pierre)就係其中一位,佢話回望呢段日子,第一個感受就係「頭髮白咗」。

坊間有人話中間派議員「好難做」,政府同市民兩邊都唔討好,作為中間派議員嘅Pierre解釋,立法會每年都有好多議案要投票,唔能夠每次都投棄權票以示中立,有時亦需要表達個人意見同質詢政府,Pierre認為毋須畀某一個陣營嘅立場綑綁,強調中間派唔等如中立。

指抗疫基金 幫漏私人醫生牙醫

本港新冠肺炎疫情爆發至今已有半年,政府喺今年二月中宣布成立三百億元「防疫抗疫基金」,但漏咗向私人執業醫生同私人執業牙醫提供支援,Pierre認為呢兩大組別唔單止係做生意咁簡單,更加同時做緊抗疫工作,而當局則表示會了解具體情況。

第一手消息請下載on.cc東網iPhone/iPad/Android/Windows Phone Apps