話說有民主派區議員喺社交網站大晒有糉派嗰陣，背景有寫上反修例口號嘅旗幟，結果被煤氣公司指佢利用物資散布政治言論而停止贊助。有關區議員就死撐話自己冇將物資同任何政治訴求扣連，背景係無可避免咁出現嗰幅旗幟，而佢喺辦事處放任何嘢都同煤氣公司無關喎。
唔派藍店糉 惹居民不滿
此外，又有民主派區議員指煤氣公司贊助嘅糉係來自「藍店」，照攞但拒絕派發，交由組織代派；有啲就用自己幅相遮住個牌子；有啲仲猶豫派唔派添，結果惹來部分居民不滿。今屆區議會任期仲有三年半，可能嚟緊三年嘅端午節仲有呢類事件，多年來居民都有免費糉食，但依家隨時受政治風波牽連而冇得食。