政情：拉扯網媒記者證 陳淑莊認衰道歉

根據該網媒發布嘅片段可見，該記者喺立法會不停追問陳淑莊佢會唔會申請政府派發嘅一萬元，期間陳問該記者姓名，又要求佢出示卡片，隨後更出手拉扯對方嘅記者證，看睇過記者證後仲質疑係真定假，及後就話因為被該名記者追訪，所以都要知道對方姓名，隨即對該名記者話，剛才大力拉扯張記者證，唔好意思。

涉事記者痛楚大叫

該網媒事後發聲明，指旗下記者尋日朝早十時三十分喺立法會採訪陳淑莊期間，遭到陳動粗，出手拉扯，直到記者感到痛楚高叫之際，才停止其粗暴行徑，批評陳公然漠視新聞採訪自由，不顧記者安全拉扯記者嘅野蠻舉止表示強烈譴責，並保留向陳淑莊進一步追究責任嘅權利。

陳淑莊事後亦透過新聞稿認衰，話尋日被自稱網媒嘅人士追訪時，伸手翻看對方證件一事感到抱歉，話當時只係一心求證該人士身份，絕對無意妨礙新聞自由。