阿強和同組員工下星期起被派到公園做戶外清潔工作，開工前，他們商討工作安排。阿強問：「阿婷，天氣又熱又曬，我們計劃一下才開工，減低員工中暑嘅機會。」阿婷回答：「係呀，我哋在戶外工作要特別小心，但應該怎樣計劃呢？」
阿強說：「首先應該多留意天氣報告，當酷熱天氣警告生效時，盡量將一些戶外工作編排在清晨，目的是在較清涼時間及較清涼的地方工作。我建議清早時，先清潔露天區域，中午太陽猛烈時，就清潔有遮蔭的地方，或者安排員工交替在酷熱和較清涼的環境下工作，盡量減少大家在猛烈陽光下工作的時間，同時逐漸適應戶外工作環境。仲要搵定個清涼的地方供休息，及提供清涼飲用水方便員工隨時飲用。」
阿婷補充說：「係呀，除飲水外，我們亦可以飲用含電解質飲料，補充水分同電解質。咖啡及茶呢類有咖啡因同利尿作用嘅飲料就要避免。」阿強又話：「我亦準備咗手推車，減低大家工作時的體力消耗，同埋我們穿的工作服是淺色、長袖及通爽鬆身，咁樣可以減少熱能吸收、幫助汗水揮發，令身體容易散熱，再戴上可以遮擋陽光、保護面部及頸背嘅闊邊帽，就萬無一失啦。」
阿婷提醒：「仲要提醒班手足，工作期間如果身體唔舒服，例如係覺得口渴、頭暈、頭痛或者惡心，就千祈唔好死頂，要立即停止工作，再到陰涼的地方休息同飲水，仲要通知管工。」阿強說：「好，我們準備好晒，下個星期就可以放心開工啦！」
職業安全健康局
www.oshc.org.hk